Makamu Mwenyekiti wa klabu ya Yanga, Fredrick Mwakalebela amemaliza utata juu ya tetesi za uongozi wa klabu hiyo kutokuwa na maelewano mazuri na Kaimu Katibu Mkuu wake, Dismas Ten.

Akizungumza kwenye mkutano na wanahabari, makao makuu ya klabu hiyo jana, Mwakalebela amesema kuwa hakuna mgogoro wowote kati ya uongozi na Dismas na kwamba yeye kwa sasa anafanya kazi ya Ukaimu Katibu Mkuu na siyo ya usemaji/Afisa Habari.

Amesema kuwa Dismas Ten ni Kaimu Katibu Mkuu wa klabu ya Yanga kwahiyo kuna majukumu anayafanya kwa mujibu wa maagizo na kwa hivi sasa yeye si msemaji tena wa Yanga. Anachokifanya ni kutekeleza maagizo kutoka kwa Mwenyekiti kupitia kwa Makamu Mwenyekiti hadi kwake.

“Sekretarieti mpya inakuja na kama mnavyofahamu tumeshatangaza nafasi za kazi na mchakato unakwenda vizuri, tukishapata mtaiona safu nzima ya uongozi,”amesema Mwakalebela

Hata hivyo, Mwakalebela amezitaja idara mbalimbali za uongozi ndani ya klabu hiyo ambazo zitajazwa watu hivi karibuni. miongoni mwa nafasi hizo ni pamoja na Katibu Mkuu wa klabu, Mkurugenzi wa Sheria na Wanachama, Mkurugenzi wa Mashindano, Mkurugenzi wa Ufundi, Idara ya Fedha na Utawala pamoja na Idara ya Masoko na Mauzo ambayo ndani yake itakuwa na kitengo cha Habari na Mawasiliano.

Ujumbe mzito watua mkoani Morogoro
Je, bado unatafuta ajira? hizi hapa nafasi za kazi kutoka makampuni 8 Tanzania

Comments

comments