Waziri wa Mambo ya Ndani ya Nchi Kangi Lugola, ametoa agizo kwa Mkuu wa Jeshi la Polisi, IGP Simon Sirro la kumtaka apeleke orodha ya matukio ya utekaji wa bodaboda na kuuawa kwa madereva wake yaliyotokea katika kipindi cha miaka mitano.

Lugola ametoa agizo hilo wakati alipofanya ziara yake ya kikazi Mkoani Arusha katika kituo cha Polisi cha Muriet.

Ambapo alipata fursa ya kusikiliza kero za wananchi ndipo waendesha bodaboda walipopata fursa ya kutoa malalamiko yao kuhusu kutekwa na kuuawa kwa madereva bodaboda.

Akili Mbaga ambaye ni Mwenyekiti wa waendesha bodaboda kata ya Muriet amesema waendesha bodaboda wamekuwa wakiuawa na kuibiwa  bodaboda zao na tayari kesi zipo polisi.

Mbaga alimuomba Waziri Lugola awasaidie ili matukio hayo yakomeshwe. Kutokana na ombi hilo, Waziri Lugola alisema                                                                                                                                                                                                                                                                                                                                                                    “Ninamwelekeza Inspekta Jenerali wa Polisi (IGP) aniletee orodha ya miaka mitano iliyopita mpaka sasa ikiwa na takwimu kwa maeneo, kiwilaya na kimkoa na nchi kwa ujumla, niweze kuona matatizo haya yamekithiri hasa maeneo gani ili tuwe na mikakati ya kujipanga kwa kuongeza nguvu kuhakikisha matatizo haya yanamalizika,” alisema.

Alisemama hatua hiyo ya kumtaka IGP kumpelekea orodha hiyo, ina lengo la kutafuta mwarobaini wa kuyamaliza matukio hayo.

 

Video: Maendeleo si kutukanana- Polepole
CBF, Tite wasaini mkataba hadi 2022

Comments

comments