Mjema akutana na wachina, lengo ni kuiweka safi manispaa ya ilala

Mkuu wa Wilaya ya Ilala Sophia Mjema, amekutana na ugeni kutoka nchi ya China Jimbo la Jiang Su, Manispaa ya xuzhou na kufanya mazungumzo kuhusu masuala mbalimbali ya maendeleo na kuanzisha ushirikiano kati ya Manispaa zao ili kuweza kujifunza mambo mbalimbali kutoka kwa kila mmoja.                                                                                                                                                                                                                                                                                                                                                           Mjema amesema kuwa ugeni huo unatija kwao kwani miongoni mwa mambo waliokubaliana ni kuipendezesha wilaya ya Ilala ili kuwa na muonekano mpya kama sehemu mbalimbali zilizopo nchini china.

Aidha katika hatua nyingine, amesema wamekubaliana kushirikiana katika suala zima la usalama kwa kupeana ujuzi unaotumika china kuonyesha jinsi gani wanathibiti vitendo vya uhalifu na kulinda miji yao.

Katika hatua nyingine, Mjema amesema kuwa China ilikuwa sawa na Tanzania miaka 20 iliyopita lakini nidhamu na bidii ya kufanyakazi ndiyo imewapelekea kufika hapo walipo, hivyo amewaomba watanzania kuiga mfano huwa ili kufikia malengo ya mapinduzi ya kiuchumi.