Mke wa Ne-yo ayaanika machafu ya mumewe

Mke wa mwanamuziki nyota kutoka nchini Marekani Ne-yo, mrembo Crystal Smith mapema July 31, 2022 alitangaza rasmi kuachana na mumewe, ambaye wamedumu naye kwenye ndoa kwa kipindi cha miaka nane na kubarikiwa kupata watoto watatu.

Crystal Smith, ameweka wazi suala hilo kupitia ukurasa wake wa mtandao wa Instagram, huku akibainisha dhahiri sababu za kuvunjika kwa ndoa yao kuwa ni kukithiri kwa vitendo vya usaliti bila ya kujilinda kwa kutumia kinga.

• Kikwete kuongoza Kamati ya Waangalizi uchaguzi Kenya

• Wazuia msafara wa Waziri kumpa kero ya maji

Amesema, “Miaka 8 ya uwongo na udanganyifu. Miaka 8 bila kujua kugawana maisha yangu na mume wangu, na wanawake wengi wanaouza miili yao kwake bila ulinzi. Nimeumia moyoni na kuchukizwa ni jambo lisiloeleweka.”

“Kuniuliza nibaki na kukubali ni wendawazimu kabisa, sitadanganya tena umma au kujifanya kuwa hii sio kitu. Ninachagua mimi, ninachagua furaha yangu, afya na heshima yangu. Nilipata watoto 3 wazuri kutokana na hili lakini hakuna kingine bali maumivu ya moyo,” ameandika Crystal.

• Wolper atangaza kutarajia mtoto

Ne-yo, ambaye jina lake kamili ni Shaffer Chimere Smith na mkewe Crystal Smith, walifunga ndoa yao mnamo mwaka 2016, ambapo baadaye walitalikiana na mapema mwaka 2020 na baadaye kuweka wazi kurudiana Aprili 2022.

• Bien wa Sauti Sol aonyesha jeuri ya pesa