Klabu za Arsenal, Chelsea na Manchester City zitafahamu wapinzani wao katika hatua ya 16 bora katika Ligi ya Klabu Bingwa Ulaya hivi leo.

Manchester United ndiyo timu pekee kutoka Uingereza ambayo haikufuzu kwa hatua hiyo ya muondoano na watakuwa wakisubiri kufahamu wapinzani wao katika Europa League.

Droo ya kupanga mechi za raundi ya muondoano itafanyika Nyon, Uswisi. Hafla itaanza saa 11:00 GMT ambazo ni sawa na saa nane saa za Afrika Mashariki.

Katika droo hiyo kuna vyungu viwili na cha kwanza ni kile cha washindi wa makundi ambao watapangwa na mpinzani kutoka chungu cha pili cha timu zilizoshika nafasi ya pili kwenye makundi yao.

Kwa mujibu wa kanuni za Uefa klabu kutoka nchi moja na zile zilizokuwa kundi moja haziwezi kupangwa pamoja.

Wakati huo huo Uefa itapanga ratiba ya michuano ya Europa League, michuano ambayo inashirikisha timu 32 huku timu 8 zikiwa ni zile ziliondolewa katika michuano ya klabu bingwa kwa kushika nafasi ya tatu kila kundi.

Timu 8 zilizotoka katika klabu bingwa ni Man United, Bayer Leverkusen, Olympiakos, Porto, Shakhtar Donetsk, Galatasaray, Sevilla na Valencia.

Mambo yalivyokuwa kwenye makundi UEFA:

Kundi A

Zilizofuzu: Real Madrid, Paris St-Germain

Europa League: Shakhtar Donetsk

Zilizoondolewa: Malmo

Kundi B

Zilizofuzu: Wolfsburg, PSV Eindhoven

Europa League: Manchester United

Zilizoondolewa: CSKA Moscow

Kundi C

Zilizofuzu: Benfica, Atletico Madrid

Europa League: Galatasaray

Zilizoondolewa: Astana

Kundi D

Zilizofuzu: Manchester City, Juventus

Europa League: Sevilla

Zilizoondolewa: Borussia Monchengladbach

Kundi E

Zilizofuzu: Barcelona, Roma

Europa League: Bayer Leverkusen

Zilizoondolewa: BATE Borisov

Kundi F

Zilizofuzu: Bayern Munich, Arsenal

Europa League: Olympiakos

Zilizoondolewa: Dinamo Zagreb

Kundi G

Zilizofuzu: Chelsea, Dynamo Kiev

Europa League: Porto

Zilizoondolewa: Maccabi Tel Aviv

Kundi H

Zilizofuzu: Zenit St Petersburg, Gent

Europa League: Valencia

Zilizoondolewa: Lyon

Dylan Kerr Amfungulia Milango Hassan Kessy
Hodgson Amtaja Vardy Kabla Ya safari Ya Ufaransa