Wachimbaji wa madini waaswa uzingatiaji kanuni za usalama

Serikali nchini, imewataka Wachimbaji wa Madini kuzingatia Kanuni za Usalama na kufuata Sheria na Taratibu za Uchimbaji ili kuepusha ajali katika maeneo ya uchimbaji.

Rai hiyo imetolewa na Naibu Waziri wa Madini, Dkt. Steven Kiruswa Machi 17, 2023 alipotembelea eneo la ajali ya wachimbaji wadogo waliofunikwa na kifusi na kufariki la Igando Kata ya Magenge, Tarafa ya Butundwe Mkoani Geita Machi 10, 2023.

• Mwalimu aua Mwalimu mwenzake kwa kumchoma kisu

• Uhalifu: Polisi yanasa Bastola, wahalifu wakimbia

Akiwa eneo hilo, ameiagiza Tume ya Madini kutoa elimu ya Sheria ya Madini hususan elimu ya usalama kwa wachimbaji wanaozunguka maeneo ya uchimbaji kuchukua tahadhari wakati wa kipindi cha mvua.

“Serikali ya Dkt. Samia Suluhu Hassan inatoa pole kwa wananchi waliopoteza ndugu na marafiki katika ajali hii. Tunawataka wachimbaji mzingatie sheria zilizowekwa na Serikali ili mfanye shughuli zenu kwa tija,” amesema Dkt. Kiruswa.

• Ibada maalum kumuombea Hayati Dkt. Magufuli yafanyika Chato

• Malima ashauri sheria ya Bima ulipaji wa fidia kuangaliwa upya

Aidha, amewataka wachimbaji katika eneo hilo kushirikiana na Serikali na mkoa kuchukua hatua kwa wachimbaji wote watakaobainika kukaidi maelekezo ya Serikali kwa wote wanaofanya uchimbaji kwenye maeneo yaliyokatazwa.

Kwa upande wake, Kamishna wa Madini Dkt. Abdulrahman Mwanga amewataka wachimbaji katika maeneo yenye uwekezaji kutoa ushirikiano kwa watu wenye leseni ya madini ili wafanye shughuli zao bila usumbufu. Amewataka pia kuzingatia usalama katika kazi zao.

• Leo ni Kumbukumbu ya kifo cha Dkt. John Pombe Magufuli

• Majaliwa kaburini kwa Hayati Magufuli

Naye, Afisa Madini Mkazi wa Mkoa wa Geita Mhandisi Martin Shija amemuelezea Dkt. Kiruswa kuwa, hatua mbalimbali zilichukuliwa kabla na baada ya ajali. Amesema mmiliki wa leseni na Serikali ya kijiji waliweka walinzi shirikishi  kwenye eneo hilo ili kuzuia uchimbaji haramu na kuepusha madhara.

Amesema, “baada ya ajali tumeimarisha ulinzi katika eneo hilo, tumeendelea kufanya kaguzi mara kwa mara ili kubaini kama kazi zinaendelea na kuchukua hatua pale dosari inapojitokeza.”

• Malima ashauri sheria ya Bima ulipaji wa fidia kuangaliwa upya

• Serikali kutumia Bilioni 4.6 kuibadilisha Ranchi ya Kongwa

Mwekezaji wa eneo hilo lenye leseni ya utafiti, Abdul Stanslaus amesema katika eneo hilo ameendelea kuwa na mahusiano mazuri na jamii katika eneo hilo. Ameomba Serikali kuendelea kutoa elimu kuhusu Sheria ya Madini ili wachimbaji wanaozunguka maeneo ya uchimbaji kuwa na uelewa mkubwa.

• Wanafunzi Elimu ya juu kuwa mabalozi elimu ya Afya Shuleni