Waziri wa Kilimo, Japhet Hasunga (Mb) amesema kuwa serikali haiwezi kupanga bei elekezi ya mchele au mahindi hivyo amewataka wakulima wote nchini kupandisha bei ya mazao hayo kadri wawezavyo kulingana na mahitaji ya soko.

Akizungumza wakati alipotembelea kikundi cha wanawake wajasiriamali wauzaji wa mchele katika eneo la Vwawa Mkoani Songwe, alisema kuwa wakulima na wafanyabiashara wa mazao ya nafaka ambayo ni mahindi na mchele katika msimu wa kilimo wa mwaka 2018/2019 waendelee kunufaika na biashara ya mazao hayo kulingana na mahitaji ya soko.

Alisema wakati bei ya mazao hayo inaposhuka sokoni serikali haiingilii kupandisha bei yana wananchi hufurahia kushuka kwa bei, hivyo basi wakati bei ikipanda pia wakulima wanatakiwa kuendelea kufurahia na kununua kwa wingi mazao hayo.

Je, unatafuta ajira? hizi hapa nafasi za kazi kutoka makampuni 10 Tanzania

“Kuna watu wananipigia simu wakidai mishahara iongezwe kwa watumishi kwakuwa bei za mahindi na mchele zimepanda, na mimi nimekuwa nikiwajibu wakati bei ikipungua mbona hawajawahi kunipigia wakiniomba mishahara ipunguzwe” Alihoji Mhe Hasunga

Novemba 20, 2019 akizungumza na wananchi wa Gairo Mkoani Morogoro wakati akiwa safarini kuelekea Jijini Dodoma Rais wa Jamhuri ya Muungano wa Tanzania, Dkt John Pombe Magufuli aliwataka wakulima na wafanyabiashara kupandisha bei ya mahindi kutokana na hali ya soko huku akisisitiza kuwa serikali anayoiongoza haitopanga bei elekezi ya mahindi.

Brigedia Gaguti aagiza kukamatwa kwa Mkandarasi na Mkuu wa shule kohororo

Alisema serikali anayoiongoza haiwezi kupanga bei elekezi ya mahindi kwani kufanya hivyo itakuwa imefilisika kiutawala, hivyo mahindi yatajiendesha kulingana na soko kwani huu ni mwaka wa wakulima hivyo wapandishe tu bei kadri wawezavyo kulingana na soko.

Aidha, Waziri wa Kilimo amesema kuwa serikali ya awamu ya tano imejipanga kumkomboa mkulima ili kunufaika na jasho lake hivyo imnaendelea kuimarisha kitengo cha masoko ikiwa ni mkakati maalumu wa kuhakikisha kuwa wakulima wanajipatia kipato kizuri kwa kuwa na soko la uhakika la bidhaa za kilimo ndani na nje ya nchi.

Video: Mwanamke ana haki ya kurithi Ardhi?
Habari kubwa katika Magazeti ya Tanzania leo Novemba 24, 2019

Comments

comments