Suala la Mila na Desturi bado nchini Tanzania bado lipo katika vichwa vya watu na baadhi ya jamii kuamini kuwa Mwanamke ni chombo na wengi wao wakiwataka watoto wao wa kike kuandika majibu yasiyo sahihi katika mitihani yao ya mwisho, ili wafeli na hatimaye waje kuolewa.
Kuna wakati fulani (2023), Mbunge wa Viti Maalum (CCM), Fatma Tawfiq aliwahi kutoa kauli inayofanana na hiyo wakati akifanya mahojiano na chombo kimoja cha Habari akisema hayo yamepelekea nafasi ya Mwanamke kuonekana si lolote mbele ya jamii licha ya matarajio yanayo chakatwa ya usawa wa 50 kwa 50 ifikapo mwaka 2050.
Alisema, “halafu wanaamini kwamba mtu anapokutolea mahari basi anaweza akakufanyia jinsi vile anavyotaka, mfano mtu katoa Ng’ombe 20 au 15 kwa ajili ya mahari anaona sasa huyu niliyemchukua ni wa kunifanyia kazi nyingi za kutosha kisa mila na desturi hili, hapana.”
Kiuhalisia ili kutimiza lengo husika, kinachotakiwa ni kupambana kuhakikisha dhana ya mila na desturi kwa baadhi ya mambo yasiyo na tija inatoweka, ili kuokoa mtazamo hasi dhidi ya Mwanamke na hatimaye kurudisha thamani ya utu wake kwake na kwa jamii nzima kiujumla.
