Mikel Arteta ameweka bayana namna Arsenal watakavyoonekana kuimarika mwaka 2024, akisisitiza Washika Bunduki hao wanahitaji kufanyia kazi mapungufu yao.
Shukrani kwa sare yao dhidi ya Liverpool hapo Jumamosi (Desemba 23), Arsenal wapo kileleni katika msimamo wa Ligi Kuu England, ikiwa na Krismasi nzuri kwa msimu wa pili mfululizo, pointi moja zaidi ya Liverpool na Aston Villa.
Baada ya kupoteza uongozi wao kwa Manchester City msimu uliopita, Arteta na wenzake, watatafuta kuimarika kuhifadhi nafasi yao ya sasa kwenye kilele hadi mwisho wa kampeni wakati huu.
Akizungumza na waandishi wa habari kuhusu jinsi Arsenal inaveza kufanya hivyo, Arteta aliashiria maeneo machache ambayo timu yake inaweza kuimarika.
“Kuna baadhi ya mambo inabidi tuboreshe ili kuendelea na ubabe tunaouonyesha,” alisema Arteta.
“Wakati mwingine matokeo yamekuwa karibu sana, ambapo imetubidi kuchimba katika dakika chache zilizopita ili kudumisha matokeo na ndivyo hivyo, hakuna kingine.
“Natumai tumedumisha kiwango hicho tukiwa na wachezaji watano muhimu nje kwa sababu tumepoteza wachezaji watano muhimu sana kwetu kwa miezi mingi sana na timu bado imeonyesha hivyo hivyo, ni jambo ambalo tunatakiwa kulidumisha, ni ubora wa hali ya juu.”
Arteta pia alijadili jinsi Arsenal ilivyoimarika tayari wakati wa kampeni za 2023/24, akiashiria “ukomavu” ulioonyeshwa kwenye sare katika Uwanja wa Anfield hapo Jumamosi (Desemba 23) kama uthibitisho.
Aliongeza: “Hakika wamepata uzoefu zaidi na ulikuwa mchezo tofauti sana na mwaka jana.”
Arsenal watarejea uwanjani keshokutwa Alhamis (Desemba 28) watakapowakaribisha West Ham United kwenye Uwanja wa Emirates.