Siku kama ya leo Machi 20, 1991 Mwanamuziki maarufu wa pop Duniani aliyelala, Michael Jackson alitia saini mkataba wa muda mrefu na Sony Corp. ambao ulimhakikishia mgao mkubwa wa faida kutoka kwa albamu zake sita zinazofuata, lebo yake ya rekodi, jukumu katika kutengeneza bidhaa za programu za video na picha.
Mkataba huo mkubwa zaidi kuwahi kupewa mtumbuizaji, ulimpatia mamia ya mamilioni ya dola Jackson na pia uliimarisha uhusiano wa Sony na nyota huyo mkubwa, ambaye aliripotiwa kutishia kuhamia lebo nyingine katika mzozo wa kandarasi uliotokea kati yao baadaye.
Sony, ambayo ilirithi Jackson iliponunua CBS Records kwa dola bilioni 2 mwaka 1988, ilikataa kujadili masharti maalum ya mpango huo. Lakini vyanzo vilivyo karibu na mazungumzo hayo vilisema makubaliano hayo yalimfanya Jackson kuwa mshirika mkubwa katika biashara zote na kampuni hiyo kubwa ya kielektroniki ya Japan.
