Bodi ya Taifa ya Wahasibu na Wakaguzi wa Hesabu Tanzania – NBAA, imejipanga kuhakikisha inaendelea kutoa Elimu kwa Wananchi katika Maadhimisho ya Kitaifa ya Elimu, ujuzi na ubunifu mwaka 2024 yenye kauli mbiu isemayo “Elimu, ujuzi na ubunifu kwa uchumi shindani” yaliyoandaliwa na Wizara ya Elimu, Sayansi na Teknolojia
Hayo yamebainishwa na Afisa Uhusiano na Mawasiliano wa bodi hiyo, Magreth Kageya na kudai kuwa wanatoa huduma zote ikiwemo kutoa maelekezo ya jinsi ya kujisajili kwa ajili ya kufanya Mitihani, maelezo juu ya ulipaji wa ada mbalimbali na pia ametoa wito kwa wanaotaka kufanya usajili kwenye Bodi ya NBAA.
Amesema, lengo kuu ni kutoa Elimu na uelewa juu ya huduma mbalimbali zinazotolewa na NBAA
Aidha, amesema baadhi ya huduma zinazotolewa na NBAA katika kipindi hiki cha maonesho ya elimu ni Usajili wa Wanafunzi ili kuweza kufanya mitihani ya Bodi hiyo kwa ngazi mbalimbali kuanzia ngazi ya chini (Accounting Technician) mpaka ile ya Taaluma (Profession) pamoja na usajili wa wanachama na makampuni ya Kihasibu na Kikaguzi.
Hata hivyo, amesisitiza kuwa Bodi hiyo kwa sasa inatumia mifumo ya kidijitari kutoa huduma zake kwa kupitia tovuti yao.
