Rais wa Jamhuri ya Muungano wa Tanzania, Dkt. Samia Suluhu Hassan amewasili katika uwanja wa ndege wa Kimataifa wa Jomo Kenyatta, Nairobi tayari kwa kuhudhuria hafla ya Uzinduzi wa Kampeni ya Waziri Mkuu Mstaafu wa Jamhuri ya Kenya, Raila Amolo Odinga.
Raila anawania nafasi ya Mwenyekiti Kamisheni ya Umoja wa Afrika (AU), na huo ni mualiko kutoka kwa Rais wa nchi hiyo Dkt. William Samoei Ruto.
Hafla hiyo, itafanyika katika Ikulu ya Nairobi na kuhudhuriwa na Wakuu wa nchi mbalimbali, hii leo Agosti 27, 2024.
