Real Madrid walikumbana na changamoto ya sare ya 1-1 dhidi ya UD Las Palmas. Matokeo haya yanafuatia sare yao ya siku ya kwanza mjini Mallorca, na hivyo kuwapa wakati mgumu klabuni hapo wakiwa nyuma ya Barcelona kwa pointi nne. Barcelona inaongoza LaLiga EA Sports ikiwa na pointi tisa kwa mechi tatu za kwanza.
Alberto Moleiro aliifungia Las Palmas bao la uongozi dakika ya 5 na bao hilo lilidumu kipindi chote cha kwanza. Kocha Carlo Ancelotti aliimarisha kikosi chake katika kipindi cha pili na waliweza kusawazisha bao hilo kwa mkwaju wa penalti uliowekwa kimiani na Vinícius Júnior katika dakika ya 69.
Mabadiliko ya wachezaji hayakuzuia timu kuonyesha udhaifu kwenye mchezo na kwa kushindwa kuvunja safu kali ya ulinzi ya Las Palmas. Kulingana na msimamo wa La Liga Real Madrid iko nyuma ya vinara Barcelona kwa pointi nne baada ya raundi tatu za mechi. Kihistoria, hali hii imetokea mara 14 katika historia ya LaLiga, ikiwa ni tukio moja tu ambapo Real Madrid waliweza kutwaa ubingwa, msimu wa 2019-20 chini ya Zinedine Zidane baada ya kushinda michez iliyofuata.
Barcelona wameaanza vyema chini ya Hansi Flick. Robert Lewandowski, akiwa na mabao matatu katika mechi tatu, na Dani Olmo, akiwa na kiwango bora tangu alipopata nafasi ya kucheza. Ushindi wao dhidi ya Vallecas, ulioangaziwa na mchango mkubwa wa Olmo katika kurejea kwao, unadhihirisha uimara wa Barcelona msimu huu na uwezo wao wa kusalia kileleni mwa jedwali.
Real Madrid lazima itafute suluhu la haraka la mzozo wao ili kuziba pengo na Barcelona, ambao wanaendelea kuonyesha kiwango cha kuvutia kwenye LaLiga.
