Utaitwa Mwamba wa Kjeragbolte: Hili ni Jiwe la Upendo likichukua sehemu ya pande zote iliyobanwa kwa uthabiti kwenye mwanya wa Mlima wa Kjerag, uliopo karibu kilomita moja juu ya usawa wa bahari.
Mwamba kati ya miamba miwili ni mojawapo ya maeneo maarufu ya kutembelea nchini Norway kwa ajili ya kupima uhodari wa mtu, kwani hapo inahitajika imani iliyo kuu, ili mtu kujaribu kufika eneo hilo na kujizuia kutazama chini, kwenye mdomo wenye pengo la shimo.
Ukiwa eneo hilo, Mwamba wenye umbo la yai unaokaribia kukanyaga utakuwa jukwaa lako kuu la sivyo utakuwa unachezea kifo endapo utateleza, ingawa licha ya uhatari wake bado watu wanafika eneo hilo maarufu zaidi nchini Norway kila uchao kutalii na kupiga picha.
Usaili.
Hata hivyo kabla ya kutembelea eneo hilo kuna maswali utaulizwa, Je, uko kwa ajili ya changamoto ya safari ya Kjerag? Je! una moyo wa kukanyaga mwamba wa Kjerag unaoning’inia? Je, uko tayari kushuhudia kujitolea kwako unaposimama kwenye Jiwe la Upendo la Norway? kisha majibu yako yatakupa tiketi ya kufika aneo hilo.
Kjeragbolten iliundwaje?
Hili ni swali halali kabisa ambalo watu wengi huuliza mara kwa mara wafikapo eneo hilo, lakini jibu lake ni matokeo yasiyo ya kawaida ya mchakato wa kawaida wa kijiolojia kwani ulitokea baada ya mita za ujazo tano katika kipindi cha mwisho cha barafu, kilichokadiriwa kuwa ni miaka 50,000 KK.
Katika mazingira ya kiasilia yaliyoendelea ya kupishana kwa kuyeyuka kwa Glacier ya Norway na mafuriko ya mabonde, jiwe hilo lilikwama katika uundaji wa miamba ambayo milenia nyingi baadaye iliikuza na kuwa kivutio kikuu cha watalii.
Jiwe hili likasimama juu ya shimo la kina cha kilomita, mwamba wa Kjeragbolten ni mahali pa kuvutia kwa kupiga picha za daredevil. Ni daraja la mawe la Norway ambalo hujaribu ujasiri wa wageni wake.
Kwanini panaitwa Love Rock.
Katika miaka ya hivi karibuni, hadithi mpya za mijini ziliundwa karibu na jiwe maarufu la Kjerag. Mojawapo ya haya inasema kwamba wanandoa ambao wanaweza kusimama pamoja kwenye Kjeragbolten wanaweza kupata upendo wa milele.
Hii ndiyo sababu mwamba huo ulijulikana kama Jiwe la Upendo la Norway, ambapo wapendanao na wanandoa wengi wenye ujasiri hujaribu kushiriki busu, kukumbatiana, au angalau nafasi iliyopunguzwa, kwa matumaini ya kupata baraka.
Kwa kweli, kuna kitu dhahiri juu ya hadithi hii. Wanandoa ambao hawawezi kushinda changamoto ya mwamba wa kimapenzi hawawezi kutegemea maisha ya upendo na furaha, kwa sababu tu ya utaratibu uliowashinda na huondoka wakiwa wamefedheheka.
Inaarifiwa kuwa ukiwa juu ya mwamba huo mazungumzo sharti yawe ni kuhusu mapenzi tu, ingawa Watalii na wenyeji wa taifa hilo nao pia hufika hapo kwa minajili ya kubarizi.
