Jeshi la Polisi Kanda Maalum ya Dar es Salaam, limesema limepokea taarifa ya taarifa ya kutafutwa kwa Maclean Geofrey Mwaijonga iliyotolewa katika kituo cha Polisi Oysterbay, Kinondoni.
Taarifa iliyotolewa na Kamanda Kanda Maalum ya Polisi Dar es Salaam, Muliro Jumanne imeleeza kuwa Maclean ambaye ni mfanyakazi wa Kampuni ya DATAVISION INTERNATIONAL LTD na hakurudi nyumbani kwake toka alipoingia kazini Oktoba 31, 2024.
Taarifa hiyo imezidi kufafanua kuwa, Maclean (ambaye pia ni Mkurugenzi wa Dar24 Media), alitoka ofisini akitumia gari aina ya Prado yenye namba za usajili T 645 DEE.
“Uchunguzi na ufuatiliaji wa taarifa hiyo unafanywa na Polisi kwa kushirikiana na ndugu ili kujua na kubaini mtu huyo yupo wapi,” ilieleza sehemu ya taarifa hiyo.
Aidha, Kamanda Muliro kupitia taarifa yake amesema Jeshi la Polisi linatoa wito kwa yeyote mwenye taarifa kuhusiana na mtu huyo azitoe kwenye mamlaka yoyote ya Serikali iliyo karibu yake.
