Meneja wa Manchester City Pep Guardiola ameripotiwa kukubaliana kuongeza mkataba wa mwaka mmoja ambao utampelekea kukaa kwake Etihad hadi muongo mmoja.
Mkataba uliopo wa kocha huyo mwenye umri wa miaka 53 ulipaswa kumalizika mwishoni mwa msimu huu. ingawa City bado haijathibitisha rasmi mkataba huo, vyanzo vingi vinaonyesha kwamba amekubali kuweka kalamu kwenye karatasi.
Guardiola ameshinda mataji 18, ikiwa ni pamoja na mataji sita ya Ligi Kuu, tangu ajiunge na City mwaka 2016 na kuiongoza timu yake kutwaa mataji matatu ya Ligi Kuu, Kombe la FA na Ligi ya Mabingwa Ulaya msimu wa 2022/23.
City pia imekuwa timu ya kwanza kushinda mataji manne mfululizo ya ligi kuu ya Uingereza na kufikia pointi 100 za Premier League waliposhinda tena msimu uliopita.
Vijana wa Pep kwa sasa wanashika nafasi ya pili kwenye jedwali nyuma ya Liverpool, wakiwa wamepoteza michezo yao minne iliyopita katika mashindano yote.Hii ni mara ya kwanza kwa Guardiola kuwa kwenye wakati mbaya katika maisha yake ya soka.
Baada ya kupoteza hivi karibuni zaidi, kushindwa kwa 2-1 na Brighton, alisema: “Labda baada ya miaka saba kushinda Ligi Kuu sita, labda mwaka mmoja timu nyingine inastahili.”
