Makamu Mwenyekiti wa Chama cha Mapinduzi – CCM Bara, Stephen Wasira amerudisha mapigo kwa Mwenyekiti Chama cha Demokrasia na Maendeleo – CHADEMA, Tundu Lissu na Makamu wake John Heche hukusu suala la umri wake.
Akizungumza kwenye mkutano wa hadhara mkoani Geita, Wasira amesema umri wake hauathiri uwezo wake wa kufikiri wala kufanya maamuzi sahihi na wasidhani kuwaza ni umri.
Amesema, “mimi umri mkubwa lakini ni akili za miaka 55 na akitaka akaulize Madaktari Muhimbili na India, wanasema akili safi kabisa na gari ni injini sio bodi na kama anataka Ushahidi aende Marekani wakaulize kwanini walimchagua Trump mwenye umri mkubwa wakamuacha Kamala mwenye miaka 60.”
Hivi karibuni Kiongozi huyo wa CHADEMA (John Heche) alinukuliwa akisema Wasira si saizi ya Lissu na kwamba watashughulika na Rais Samia lakini si Wasira ambaye umri wake umesogea.
