Bunge la Jamhuri ya Muungano wa Tanzania limeandaa Mchezo unaoitwa Bunge Bonanza linalotarijia kufanyika siku ya Febuari 1, 2025 ikiwa na lengo la kuendelea kumuunga mkono Raisi wa Jamhuri ya Muungano wa Tanzania Dkt. Samia katika kuleta mahusiano ya pamoja kati ya sekta binafsi na Serikali pamoja na kuamasisha Wananchi kufanya mazoezi, ili kuboresha Afya.
Akizungumza hayo hii leo Januari 1,2025 Jijini Dodoma, Mwenyekiti wa Bunge Bonanza na Mbunge wa Jimbo la Makete, Festo Sanga amesema Bonanza hili litahusisha timu mbili ambazo ni simba na Yanga.
Amesema, “tunatamani kuwakumbusha watu kwa njia hii kwaajili ya kufanya mazoezi kwa wingi, sisi kama wabunge kwenye bunge letu tumekuwa tukipitisha bajeti hasa bajeti kwenye Wizara ya afya, changamoto kubwa ambayo tunaipata ni haya magonjwa ya moyo, presha, Kwaio tumeona tufanye kampeni hii ya kumuunga mkono Raisi wetu katika suala zika la mazoezi hili kuboresha afya zetu.”
“Kwenye bonanza hili pia kusudi jingine ni kuleta mahusiano ya pamoja kati ya taasisi, na taasisi ambazo zitashiriki ni kama Benjamin Mkapa hospitali,Wizara ya Maji, Duwasa,kuna Team kutoka TRA nao watashiriki, kuna NSSF,lakini pia kuna chuo cha mipango pia watashiriki bonanza hili, hii ni kuboresha huusiano wa pamoja kati ya bunge na Wananchi, kwasababu Bunge hili ni la Wananchi,” amesema Sanga.
Amesema katika Bonanza hilo Viongozi mbalimbali wa timu ya simba na yanga watakuwepo akiwemo, Raisi wa Yanga pamoja na Msemaji wa timu hiyo.
“Kesho hapa Dodoma Viongozi wa timu pande zote mbili watatua akiwemo Rais wa Yanga na Msemaji wa Yanga kwaajili ya kuja kushuhudia bonanza hilo, na watu wa sima Msemaji wa simba kesho atakuwepo hapa kwaajili tarehe 1, na pia watakuja na baadhi ya Wachezaji kwaajili ya kuhudhuria bonanza hili,” aliongeza.
“Na mechi yetu itachezeshwa na Refa Othman Kazi (Mzee wa Kipenga), refa mkongwe ndio atakayechezesha mechi hiyo, Mzee wa kipenga cha mwisho, Kwaio watu wa Dodoma niwaombe, tutakuwa na tukio kabla ya bonanza ambalo tutawatangazia kabla, Kwaio niwaombe tushiriki kwa wingi na kama mlikuwa na maswali ya kuuliza na nyie tunawaalika kuuliza,” amesema Sanga.
