CMA chachu ya Waajiri katika uzalishaji wenye tija – Kikwete

Serikali inaitazama Tume ya Usuluhishi na Uamuzi Nchini (CMA), kama taasisi nyeti na ya kimkakati katika utatuzi wa migogoro ya kikazi nchini ikiwa na lengo la kuchochea ukuaji wa kiuchumi na kuhakikisha mahala pa kazi panakuwa na amani, ili kuwafanya Wafanyakazi na Waajiri watumie muda mwingi kufanya uzalishaji wenye tija. Hayo yamebainishwa na Waziri wa nchi, Ofisi ya Waziri Mkuu, Kazi, Vijana, Ajira na Wenye Ulemavu, Ridhiwani Kikwete wakati akifungua kikao kazi cha Tathmini ya Utendaji Kazi na mafunzo kwa watumishi wa Tume ya Usuluhishi na Uamuzi Tanzania bara, Mkoani Morogoro.

Amesema, Tume inatakiwa kushughulikia migogoro kwa haraka, ufanisi na weledi ili kuweza kutimiza matarajio ya wadaawa na wadau ambao wengi wao ni wawekezaji, hivyo kusaidia kukuza Uchumi wa nchi. “Serikali iliongeza bajeti ya Tume kiasi cha zaidi ya Shilingi Milioni mia tisa (900,000,000+) bila shaka mmeona ongezeko hilo limeleta mabadiliko siyo tu kwenye maslahi ya wafanyakazi lakini pia kuiwezesha Tume kutekeleza majukumu yake ya msingi,” amesema Ridhiwani Kikwete.

Kwa upande wake, Jaji Mfawidhi wa Mahakama Kuu Divisheni ya Kazi, Dkt. Yose Mlyambina, amewakumbusha wasuluhishi na waamuzi kutilia mkazo suala la matumizi ya mfumo wa kieletroniki na hususani kuangalia namna bora ya kupokea  vielelezo ili kuwasilisha jalada kamilifu pindi litakapoitishwa mahakamani. Naye, Mkurugenzi wa Tume ya Usuluhishi na Uamuzi (CMA), Usekelege Mpulla kwa niaba ya menejimenti ya Tume, amemshukuru Ridhiwani kwa namna anavyosimamia na kutoa miongozo kwa maslahi ya Tume y