Timu ya Taifa ya Tanzania chini ya miaka 16 imefanikiwa kuibuka na ushindi wa mabao 3-0 dhidi ya Liberia katika mashindano maalum yanayofanyika nchini.
Mchezo huo ni wa kwanza kufuatana na ratiba ya michuano hiyo inayofanyika nchini kwa timu za vijana walio chini ya miaka 16.
Mabao hayo yamefungwa na wachezaji Omar Abbas, Abdulrazak salum na Ladak Juma.
Mashindano hayo yanajumuisha washiriki watatu ambao ni Tanzania (mwenyeji), Liberia na Malawi.
Timu ya vijana chini ya umri wa miaka 16 inaandaliwa kwa ajili ya kushiriki fainali za Afrika kwa vijana chini ya umri wa miaka 17, zitakazofanyika mwaka 2021, nchini Morocco.
Baadhi ya wachezaji wa Tanzania chini ya umri wa miaka 16 kabla ya mchezo.
Kikosi Cha Liberia chini ya umri wa miaka 16 kabla ya mchezo.
