Huenda ulikua hufahamu mambo kadhaa ya nyuma ya pazia baada ya kikosi cha Argentina kuichapa Brazil kwenye mchezo wa Fainali ya Copa America 2021.
Wachezaji wa Argentina kwa pamoja walikubaliana kuyatunza mambo haya kama siri, ili wafanye jambo moja tu!. La kuhakikisha Brazil anakufa katika ardhi ya nyumbani kwake.
Suala kubwa ni mkataba mpya wa Nahodha na Mshambuliaji wao Lionel Messi ndani ya klabu ya Barcelona.
Imefahamika kuwa Messi sasa atasaini mkataba mpya kuendelea kuitumikia Klabu ya Barcelona, kufuatia mkataba wake wa awali kufikia kikomo mwishoni mwa mwezi Juni.
Ni suala la muda tu kwa Lionel Messi kuongeza Mkataba mpya; kwani masuala ya kimaslahi yatakapo kamilika, Messi atasaini mkataba wa miaka miwili mpaka mwaka 2023 na dili hilo rasmi litatangazwa.
Lingine liliofanywa siri mpaka wamalize mchezo wa Fainali na kutwaa ubingwa ni pamoja na Rodrigo de Paul aliyetoa assist kwa Di Maria, alitangazwa kusajiliwa Atletico Madrid mwezi mmoja uliopita akitokea Klabu ya Udinese.
Dili la Usajili wa Rodrigo lilikamilika kwa Ada ya €35m, na atasaini mkataba wa miaka mitano kuitumikia Atletico Madrid, baada ya vipimo kukamilika siku chache zijazo.
