Mkuu wa Idara ya Habari ya Simba SC Haji Manara ametoa orodha ya wachezaji ambao kwake ni bora kwa msimu huu 2020-21 wa Ligi Kuu Tanzania Bara, utakaofikia tamati mwishoni mwa juma hili.
Manara ametoa orodha hiyo kama wazo lake binafsi, na bado haizuii wengine kutoa maoni yao kwa kutaja wachezaji wengine ambao walionekana kuwa na viwango bora kwa msimu mzima.
Miongoni mwa wachezaji waliotajwa na Manara kwenye orodha hiyo, wanaotoka Simba SC wapo kumi (10), Young Africans wapo watatu (03), Azam FC wapo wanne (04) na mmoja kutoka Namungo FC.
Kikosi cha bora cha wachezaji kumi na moja (11) cha Manara ni: Aishi Manula, Shomari Kapombe, Mohammed Hussein, Joash Onyango, Daniel Amoah, Thaddeo Lwanga, Clatous Chama, Mukoko Tonombe, John Bocco (C), Prince Dube na Luis Miquissone.
Wachezaji wa akiba ni: Jonathan Nahimana, Nickolaus Wadada, Pascal Wawa, Feisal Salum Fei Toto, Salum Abubakar (Sure Boy),Tuisila Kisinda na Chris Mugalu.
