Mabingwa wa Soka Tanzania Bara Simba SC wamethibitisha kumsajili Kiungo Mshambuliaji kutoka nchini Malawi Peter Banda akitokea Nyasa Big Bullets.
Simba SC wamethibitisha usajili wa nyota huyo na kumaliza utata uliojitokeza usiku wa kuamkia leo, ambapo baadhi wa wadau walivumisha mchezaji huyo amenaswa na Young Africans.
Wakati Simba SC wakithibitisha kumnasa Banda, uongozi wa klabu ya Nyasa Big Bullets nao umethibitisha kufanya biashara na Simba SC kwa kuwauzia kiungo huyo.
Usajili wa kiungo huyo mwenye umri wa miaka 20 unaifanya Simba SC kuwa na wachezaji 10 wa kimataifa, baada ya kuondoka kwa Francis Kahata na Perfect Chikwende.
Pia unakua usajili wa kwanza rasmi ndani ya klabu hiyo ya Msimbazi iliyofanikiwa kutwaa taji la Ligi Kuu mara nne mfululizo na Kombe la Shirikisho *ASFC* mara mbili mfululizo.
