Kiungo Mshambuliaji kutoka DR Congo na klabu ya Young Africans Tuisila Kisinda, huenda akauzwa nchini Morocco kwenye klabu ya RS Berkane.
Safari ya kiungo huyo mwenye umri wa miaka 21, kuelekea Morocco, inadaiwa kuchangiwa na aliyekua Kocha Mkuu wa AS Vita Club Florent Ibenge ambaye, mwezi uliopita aliajiriwa na matajiri wa RS Berkane.
Taarifa kutoka Young Africans, zinaeleza kuwa tayari klabu ya RS Berkane imeshatuma ofa ya Tuisila klabuni hapo, baada ya kupendekezwa na Kocha Ibenge.
Mchezaji huyo amepata Visa ya mwezi mmoja (Kutoka Tarehe 06.08.2021 Mpaka Tarehe 06.09.2021) ya kuishi nchini Morocco kwa ajili ya kukamilisha mazungumzo ya Uhamisho wake kutoka Young Aficans kwenda RS Berkane.
