Aliyekua Msemaji wa Mabingwa wa Soka Tanzania Bara Simba SC Haji Manara ametangaza rasmi kujiunga na Young Africans leo Jumanne (Agoati 24) Jijini Dar es salaam.
Manara ametangaza maamuzi hayo, baada ya kuonekana kwenye hafla maalum iliyofanyika Serena Hoteli Jijini Dar es salaam, huku akisema amehamia kwenye klabu hiyo na Familia yake nzima.
“Nimekuja Young Africans kwa sababu ina viongozi watakaonipa nafasi ya kuwasaidia, nilibanwa mno, nilidhihakiwa mno, sijawahi kuwa na matatizo na Simba”.
“Young Africans ni timu kubwa, tukafanye kazi tusilalamikie waamuzi, twendeni tukachukue kikombe cha 28,” amesema Haji Manara baada ya kutambulishwa Young Africans.
Manara aliondoka Simba SC baada ya kuibuka hali ya mzozo kati yake na Afisa Mtengaji Mkuu wa klabu hiyo Barbara Gonzalez.
