Kiungo Mshambuliaji kutoka nchini Zambia na klabu ya Simba SC, Clatous Chotta Chama ameshinda Tuzo ya Mchezaji Bora wa Mwezi Machi wa Ligi Kuu Tanzania Bara Msimu huu 2021/22.
Chama aliyerejea Simba SC wakati wa Dirisha Dogo la Usajili mwezi Januari 2022 akitokea RS Berkane ya Morocco, ametangazwa kuwa Mshindi wa Tuzo hiyo leo Jumatano (April 06), kufuatiwa uwezo na msaada alioutoa kwenye kikosi cha Simba SC na kufunga mabao mawili katiak michezo dhidi ya Biashara United Mara na Dodoma Jiji FC iliyochezwa mwezi Machi.
Taarifa iliyotolewa na Bodi ya Ligi Kuu Tanzania Bara ‘TPLB’ imeeleza kuwa, Kiungo huyo amewashinda wachezaji Fiston Mayele wa Young Africans na Frank Kahole wa Mtibwa Sugar aliongia nao Fainali.
Chama anakua Mchezaji wa Saba kutwaa Tuzo hiyo Msimu huu, akitanguliwa na Saido Ntibazonkiza na Fiston Mayele wote wa Young Africans (Mwezi Januari na Februari 2022), Reliant Lusajo wa Namungo FC (Mwezi Desemba 2021), Jeremiah Juma wa Tanzania Prisons (Mwezi Novemba 2021), Feisal Salum wa Young Africans (Mwezi Oktoba) na Vitalis Mayanga wa Polisi Tanzania (Mwezi Septemba).
