Jumatano ya Aprili 20, rapa ASAP Rocky alikamatwa na jeshi la polisi katika uwanja wa ndege wa LAX huko Los Angeles nchini Marekani, muda mfupi baada ya kutua katika uwanja huo.
Rocky alitumia ndege binafsi baada kutoka Barbados, ambako alikuwa likizoni na mpenzi wake Rihanna na kwa mujibu wa NBC News, Rocky alikamatwa kwa kosa la kushambulia kwa kutumia silaha kali.
Inasemekana polisi walikutana naye kwenye uwanja wa ndege, ambapo walimchukua akiwa amefungwa pingu, kwa usaidizi wa maafisa wa uchunguzi wa salama wa nchi na uhamiaji.
Muda mfupi baada ya kumatwa alipelekwa makao makuu ya ‘Los Angeles Police Department’ (LAPD) kwa ajili ya mahojiano zaidi juu ya kilichotokea, ambapo aliomba msaada wa wakili na kujiandaa kufadhiliwa, na baadae dhamana iliwekwa kuwa ni $550,000.
Kwa mujibu wa LAPD, kukamatwa kwa Rocky kunatokana na ufyatuaji risasi uliotokea mnamo Novemba 6, 2021 majira ya 10:15 p.m. katika eneo la Hollywood, Selma Avenue na Argyle Avenue
Wafuatiliaji wa kesi hiyo wanasema wanadai Rocky na anayedaiwa kuwa mwathiriwa walikuwa wanafahamiana na ufyatuaji risasi uliotokea baada ya mabishano kuzidi kati ya wawili hao.
Mwathiriwa aliyepigwa risasi aliwaambia polisi kwamba Rocky, alikuwa akitembea na watu wengine wawili, walipomkaribia barabarani na baada ya mabishano kutokea, Rocky alimfyatulia Risasi mara tatu hadi nne kwa mkupuo kiasi cha risasi moja kumpata katika sehemu ya mkono wake wa kushoto.
Tukio la nyota huyo kukamatwa halikuripotiwa mara moja kwenye vyombo vya habari, lakini LAPD ilitoa taarifa kupitia akaunti yake maalumu ya mtandao wa twitter kuhusu hatua walizochukua za kukamatwa Rocky.
Kufuatia mfululizo wa matukio ya yanayomuandama rapa huyo, chanzo kingine kiliiambia Entertainment Tonight, kuwa “Hii drama ndio kitu cha mwisho ambacho Rihanna anakihitaji kwa sasa, anataka kuwa mtulivu, na kuzingatia asilimia 100 wakati wa kuwasili kwa mtoto wake bila kupitia vpindi vigumu na msongo wa mawazo!”
