Baada ya Mabingwa wa Soka Tanzania Bara Klabu ya Young Africans kuzindua Jezi maalum za msimu ujao 2022/23 jana Alhamis (Julai 28), Klabu ya Azam FC imetangaza kufuata nyayo za Wananchi leo kwa kuzindua Uzi wao mpya leo Ijumaa (Julai 29).
Azam FC imethibitisha kutangaza uzinduzi wa Jezi maalum watakazozitumia msimu ujao wa Ligi Kuu, Kombe la Shirikisho ‘ASFC’ pamoja na Michuano ya Kimataifa (Kombe la Shirikisho Barani Afrika), kupitia kurasa zake maalum za Mitandao ya Kijamii.
Klabu hiyo yenye Maskani yake makuu Chamazi jijini Dar es salaam, imepanga kuzindua Jezi zake majira ya saa tisa alasiri, kupitia kipindi cha Alasiri Lounge cha Azam TV.
Pia tukio hilo litatangazwa moja kwa moja na Kituo cha Radio cha UFM kinachomilikiwa na Azam Media.
Ujumbe ulioandikwa kwenye kurasa za mitandao ya kijamii za Klabu hiyo umeandikwa: “Usikose
ushuhudia mbashara tukio la uzinduzi wa jezi zetu rasmi msimu 2022/23 utakaofanyika leo Ijumaa, Julai 29, saa 9:00 Alasiri, kupitia kisimbuzi cha @azamtvtz Channel 108.
AzamFC #TimuBoraBidhaaBora
