Chad nayo yaruhusu mikutano vyama vya siasa

Serikali ya nchi ya Chad, imeondoa marufuku na kuruhusu vyama vya siasa vya upinzani kuendelea na shughuli zake, ikiwemo mikutano ya kisiasa.

Marufuku hiyo, iliwekwa baada ya kutokea kwa maandamano ya wapinzaji jijini Ndjamena na miji mingine dhidi ya serikali  mwaka uliopita (2022).

• Mshauri wa zamani wa Rais atupwa Gerezani

• Wagombea urais washutumiana kwa ufisadi

Katika maandamano hayo, Polisi walitumia nguvu kupambana na waandamanaji na kuwakamata baadhi ya wanasiasa wa upinzani huku wengine wakitoroka, kitendo ambacho kililaaniwa na jumuiya ya Kimataifa.

Mamia ya watu walipoteza maisha katika maandamano hayo, na Waziri wa Mambo ya ndani, Limane Mahamat, amesema wanasiasa wa upinzani sasa wanaweza kuendelea na shughuli zao ili mradi wafuate sheria za nchi.

• Waziri afariki ghafla akiwa kwenye kikao