Wakristo Duniani kote hii leo Jumapili (Aprili 9, 2023), wamejumuika kusherehekea siku kuu ya Pasaka ikizingatiwa kuwa siku hii ni ya ufufuo wa Yesu Kristo, ambaye alisulubishwa na askari wapanda farasi wa Kirumi na kufa siku ya Ijumaa Kuu.
Historia.
Historia ya Kibiblia, inasema baada ya kusulubiwa kwa Yesu, mwili wake ulikuwa umefungwa kwa kitani, na alizikwa kwenye kaburi la Yusufu wa Arimathaya na kisha kaburi lilifunikwa kwa jiwe kubwa.
Inaaminika pia kwamba Jumapili asubuhi, malaika walivingirisha jiwe, na Yesu akatoka nje ya kaburi kitendo ambacho kwa kila mwamini Mkristo na ufufuo wa Yesu huashiria ushindi wake juu ya dhambi na kifo.
Kalenda ya Gregorian hutumiwa na Wakristo wa Magharibi, na Pasaka huadhimishwa kila mwaka Jumapili baada ya mwezi kamili wa Machi.
Umuhimu.
Wakristo wengi hutaja wiki inayowaongoza kuelekea katika Pasaka kama Wiki Takatifu, ambayo inajumuisha siku za Triduum ya Pasaka, pia inajulikana kama Triduum ya Pasaka au Siku tatu katika Ukristo wa Magharibi.
Ulimwenguni kote, ibada hufanyika Siku ya Pasaka, na kwa kawaida watu huimba nyimbo zinazotolewa kwa tamasha hilo pekee zikiegemea katika maombolezo kabla na shamrashamra za ushindi baadaye.
Tamaduni.
Pasaka pia ina sherehe zisizo za kitamaduni kama vile mayai ya Pasaka na sungura wa Pasaka, tamaduni hizi zinaweza au huenda kuwa zilianza katika tamaduni za kipagani za kabla ya Ukristo.
Wengine wanaamini kwamba mayai yanawakilisha kuzaliwa na rutuba na imani inayoendelea kuwakilisha kuzaliwa upya kwa Yesu.
Asili.
Asili ya mila ya sungura wa Pasaka haijulikani, sungura pia wanatambuliwa katika sehemu nyingi kwa kuzaliana kwao na kwa hivyo kama yai la Pasaka, sungura wa Pasaka pia huashiria maisha na kuzaliwa.
Mayai ya Pasaka pia siku hizi pia yanatengenezwa kwa chokoleti, ambayo watu wanapenda kula kama moja ya vinogesho vya siku kuu hii muhimu.
DAR24 MEDIA INAWATAKIA HERI YA PASAKA NA JUMAPILI YENYE HERI.
