Paul Pogba amerudi uwanjani kwa mara ya kwanza juzi Jumapili (Mei 14) usiku, wakati Juventus ikiichapa Cremonese mabao 2-0 kwenye Uwanja wa Allianz, lakini alitolewa uwanjani akilia kutokana na kuumia tena.
Kiungo huyo mwenye miaka 30 aliondoka Manchester United 2022 na kujiunga na Juventus akiwa mchezaji huru, lakini hakucheza msimu huu kutokana na kuumia.
Maisha yake ndani ya Old Trafford yalifikia mwisho baada ya kuumia katika mchezo ambao Man United ikichapwa 4-0 na Liverpool, Aprili 2022.
Maisha yake ndani ya Juve yalikuwa na balaa allpoumla wakati wa maandalizi ya msimu huu, na juzi allkuwa anacheza mechi ya kwanza ya ushindani baada ya kupona, akicheza katika mechi tatu zilizopita za miamba hiyo.
