Nahodha na Kiungo wa timu ya taifa ya Wales, Aaron Ramsey amekamilisha uhamisho wake wa kureja kwenye klabu ya Cardiff City kwa mkataba wa miaka miwili.
Ramsey, mwenye umri wa miaka 32, alikamilisha vipimo vya afya kwa klabu hiyo inayoshiriki Ligi Daraja la Kwanza England, mwishoni mwa juma lililopita.
Urejeo wa kiungo huyo wa zamani wa Arsenal katika klabu ya Nice ulikuja baada ya Nice mapema kuthibitisha kúwa Ramsey aliondoka kwenye klabu hiyo kwa makubaliano ya pande zote mbili.
“Najihisi mwenye furaha isiyo na kifani kwamba mwishowe nimerejea hapa. Muda wote nimekuwa nikifikiria siku moja nitarejea hapa na sasa ni wakati sahihi wa kufanya hivyo,”alisema Ramsey.
“Kurejea kwenye familia yangu na kukutana na sura nilizozizoea ni kitu kizuri, hivyo nina furaha kuwa hapa. Nilishindwa kuwa hapa mwaka jana au kitu kama hicho, hivyo ni muhimu kwangu kurudi hapa.
“Ni wazi mimi ni shabiki wa Cardiff City, na nimekuwa nikiendelea kuwaangalia kwa miaka mingi tangu niondoke, tumekuwa na vipindi vibaya na vizuri pia, kuwa kwenye Ligi Kuu ya England na kuitumikia Cardiff kwenye mashindano makubwa.
