Aliyekuwa Mshambuliaji Timu ya Taifa ya Brazil na Klabu za Liverpool, Gremio Lukas Leiva anaamini Luis Suarez atamfuata Lionel Messi, Sergio Busquets na Jordi Alba kule Inter Miami.
Nyota huyo wa Liverpool na FC Barcelona, Suarez, alijiunga na Gremio Januari, baada ya kuisaidia klabu yake ya utotoni Nacional kutwaa taji la Ligi Kuu ya Uruguay aliporejea Amerika Kusini mwaka jana.
Suarez amefunga mabao manne katika mechi 12 kwenye Ligi Kuu ya Brazil msimu huu, lakini mustakabali wake uko shakani huku kukiwa na ripoti kwamba ndiye anayelengwa na Miami.
Miami tayari imewasajili wachezaji wenza wa Suarez wa zamani wa Barca, Messi, Busquets na Alba.
Hatua hiyo imeongeza uvumi kuhusu uhamisho wa Suarez, na ingawa Lucas anaelewa matokeo ya MLS, anatumai Gremio inaweza kumbakisha mshambuliaji huyo.
Alipoulizwa kuhusu mustakabali wa Suarez, Lucas ambaye alistaafu Machi baada ya kugundulika kuwa na tatizo la moyo, alisema: “Alifanya kazi nzuri sana hapa Brazil akiwa Gremio. Nadhani alifanya hatua sahihi. Luis ni mchezaji wa kiwango cha dunia, hatuhitaji kuzungumzia sifa zake na kile anachofanya hapa Brazil.
Amehusishwa, lakini natumaini anaweza kubaki Gremio kwa sababu ni klabu yangu na ni jirani yangu hapa.”
Anatumai atasalia kwa muda mrefu, lakini MLS inapata uangalizi kutoka kwa kila mchezaji na mashabiki.
Baada ya Messi kuashiria mechi yake ya kwanza Miami kwa bao la ushindi wa frikiki’ dhidi ya Cruz Azul kwenye Kombe la Ligi, bila shaka hakujawa na wakati mzuri zaidi wa kufuata MLS.
Lucas ni miongoni mwa waliofurahishwa na uwezo wa ligi, akiongeza kuwa MLS inakua kila mwaka, na watu wanatazama zaidi ligi hiyo,
“Tunaweza kumuona kwenye ligi nyingine, si Ulaya. Marekani, ni jambo zuri kwa mashabiki wanaopenda soka. Ni ligi ambayo inaimarika na inakua na kuwa bora kila msimu.”
