Aliyewahi kuwa Kiungo na Nahodha wa Manchester United Roy Keane ameiambia Arsenal kuwa ililipa fedha nyingi sana kwa kiungo wa kati wa England, Declan Rice, walipotoa Pauni Milioni 105, wakimsajili kutoka West Ham United.
Keane, ambaye alifanya kazi na Rice kama msaidizi wa Martin O’Neill wakati mchezaji huyo alipocheza mechi zake tatu za timu ya taifa ya wakubwa kwa Jamhuri ya Ireland, haamini kwamba anastahili bei hiyo.
Alipoulizwa kuhusu matarajio ya kiungo huyo hapo Kaskazini mwa London baada ya mechi ya Ngao ya Jamii dhidi ya Manchester City Juzi Jumapili (Agosti 06) ambapo alicheza mechi yake ya kwanza ya ushindani, Keane aliiambia ITVI: “Ni wazi atazungukwa na wachezaji bora, mahitaji tofauti.
“Ikiwa atacheza juu zaidi juu ya uwanja, nadhani ana ubora huo katika kuongeza mabao zaidi. Ni wazi ana nguvu hiyo ya kimwili, anaweza kuingia kwenye sanduku.
“Ni wazi wamelipa fedha nyingi sana kwake. Kwa hakika hana thamani ya zaidi ya Pauni Milioni 100, lakini ni mchezaji mzuri sana.
“Tutajua mwaka ujao au miwili jinsi Declan ni mzuri. Yeye hujidhihirisha kila wiki, yeye ni mvulana mkubwa mwenye nguvu tena, unazungumza juu ya hali hiyo ya mwili, walikosa hiyo katika mwezi uliopita au mbili (za msimu uliopita).
“Amepata ubora wa hali ya juu kiasi cha kuona pasi na kufunga mabao tisa, kumi? Tutajua hívi karibuni.”
Uhamisho wa Rice kwenda kwenye Uwanja wa Emirates mwezi uliopita baada ya kuwasaidia West Ham kushinda Ligi ya Europa Conference uliweka rekodi mpya ya uhamisho nchini England.
Mchezaji huyo mzaliwa wa London, ambaye babu na babaye wanatoka Cork, ameichezea mara 43 England, lakini alicheza mechi yake ya kwanza ya kimataifa kwa Ireland, akicheza mechi za kirafiki dhidi ya Uturuki, Ufaransa na Marekaní mwaka 2018 kabla ya kubadili na kuitumikia England.
