Waziri wa ulinzi wa Indonesia na mgombea wa urais, Prabowo Subianto amemtangaza mtoto wa kiume wa rais anayeondoka madarakani, Joko Widodo kuwa mgombea wake mwenza katika uchaguzi unaotarajia kufanyika 2024.
Uchaguzi wa Gibran Rakabuming Raka (36), kuwa mgombea mwenza, unadaiwa kuwa unaweza kumpa nguvu Prabowo katika kampeni yake kutokana na umaarufu wa Widodo, licha ya hasira za umma juu ya uamuzi wa Mahakama kubadilisha vigezo vya awali vya wagombea.
Vigezo hivyo, vinasemekana huenda vingemzuia Gibran kugombea katika uchaguzi huo ambapo hata hivyo Indonesia itafanya uchaguzi mkuu wa Rais na Bunge Februari 14, 2024 huku waatu milioni 205 nchini humo kati ya raia wote milioni 270 wakiwa wamejiandikisha kushiriki uchaguzi huo.
Hata hivyo, Rais Joko Widodo alikana kutohusika na wagombea wa urais, licha ya wajuzi wa mambo ya kisiasa kudai kuwa anataka kuendeleza ushawishi wake katika siasa za taifa hilo na inahisiwa amekuwa akimuunga mkono kwa siri mpinzani wake wa zamani, Prabowo.
