Bondia wa ngumi za kulipwa nchini, Abdallah Pazi ‘Dullah Mbabe’amesema ana mpango wa kuanzisha ratiba kwenda kula chakula na wafungwa gerezani.
Dullah Mbabe amesema anahitaji kuanzisha programu hiyo kwa sababu wafungwa ni moingoni mwa mashabiki zake na wadau wa masumbwi.
“Sasa hivi nipo katika mchakato huo wa kufuatilia vibali kwa lengo la kuanza kwenda na kula nao, kubadilishana mawazo na kusikiliza changamoto zao kwa sababu wao ni binadamu,” amesema.
Bondia huyo amesema anahitaji kuwatembelea watoto yatima kwa vile jambo hilo ni muhimu kulifanya kama wanavyofanya watu wengine.
“Nahitaji kufanya jambo kama hilo, kuwapa hamasa watu kuwa na mazoea ya kuwatembea wafungwa hata kama hakuna ndugu zao,” amesema.
Dullah Mbabe ameongeza kuwa yupo mbioni kustaafu mchezo huo na kuwaachia vijana ambao hivi sasa wanafanya vyema katika mchezo huo.
