Uongozi wa Simba SC umeweka wazi kuwa wanazidi kuwa imara kutokana na maendeleo ya mchezaji mmoja mmoja wakicheza kwa ushirikiano kwenye mechi ambazo wanacheza ndani ya uwanja.
Chini ya Kocha Mkuu, Abdelhak Benchikha kikosi cha Simba SC kimekuwa kwenye mwendo mzuri katika Kombe la Mapinduzi 2024, kwenye mechi mbili ilizocheza ilishinda zote na kukomba pointi sita kabla ya mchezo wa jana dhidi ya APR uliomalizika kwa sare ya bila kufungana.
Meneja wa Habari na Mawasiliano Simba SC, Ahmed Ally amesema kuwa kikosi chao kinazidi kuwa imara kila leo, jambo linalowapa matumaini ya kufanya vizuri.
“Ukiwatazama kwa sasa wachezaji wa Simba SC ukianza na mchezaji mmoja mmoja wanazidi kuimarika huku wakicheza kwa ushirikiano mkubwa, hili ni jambo kubwa na tunaamini kwamba tutawapa tabu wapinzani wetu.
“Kikubwa ni kuzidi kushirikiana kwa wachezaji huku mashabiki wakiendelea kuwa bega kwa bega na timu ili kupata ushindi kwa kuwa yote yanawezekana,” amesema Ahmed Ally.
