Rais wa Zanzibar na Mwenyekiti wa Baraza la Mapinduzi Alhaj Dkt. Hussein Ali Mwinyi amesema Misikiti itumike kutatua changamoto zilizopo katika jamii.
Dkt. Mwinyi ameyasema hayo alipojumuika na Waumini wa Dini ya Kiislamu katika ibada ya Sala ya Ijumaa na kufungua Msikiti wa Masjid Itiswaam Kizimkazi Mkunguni, Mkoa wa Kusini Unguja tarehe: 8 Machi 2024.
Amesema, Waumini wa Dini ya Kiislamu kuitumia Misikiti kufanya ibada kwa wingi hususani kuelekea kipindi cha Mwezi Mtukufu wa Ramadhan, huku akisema kuna wajibu wa kuwafundisha watoto elimu ya Dini mapema.
Aidha, Rais Dkt. Mwinyi amewataka waumini kuendelea kumuomba Mwenyezi Mungu kudumisha amani, upendo, umoja na mshikamano, huku akitoa shukrani kwa wafadhili waliofanikisha ujenzi wa Msikiti huo.
