Afisa wa ngazi ya juu wa Jeshi la Serikali Nchini Sudan, Jenerali Yasser al-Atta, amesema hakutakuwa na usitishaji wa mapigano wakati huu wa mfungo wa mwezi Mtukufu wa Ramadan.
Yasser amesema, makabiliano ya kivita yataendelea hadi pale wapiganaji wa kikundi cha akiba – RSF, watakapoondoka kwenye maeneo ya raia.
Tamko hilo, limekuja kufuatia wito wa Baraza kuu la usalama la Umoja wa Mataifa la kutaka kusitishwa kwa vita kupisha mwezi mtukufu.
