Kocha mpya wa Liverpool Arne Slot ameendelea kufanya vyema katika mechi za kujiandaa na msimu mpya baada ya kuibuka na ushindi wa mabao 2-1 dhidi ya Arsenal. Katika mchezo huo Liverpool walikuwa wa kwanza kupata bao la kuongoza dakika ya 13 kupitia kwa Mohammed Salah na bao la pili lilifungwa na Carvalho dakika ya 34.Bao la Arsenal lilifungwa dakika ya 40 na mshambuliaji Kai Havert.
Arne Slot amekuwa na mwanzo mzuri ndani ya Liverpool baada ya kucheza michezo miwili na kuibuka na ushindi .Arne Slot alikabidhiwa timu hiyo mwezi Juni 2 akichukua mikoba ya Jurgen Klopp aliyetangaza kustaafu na alifanikiwa kupata ushindi wa mabao 2-1 dhidi ya Real Betis .
Wadau wanaamini kocha Arne atafanya mapinduzi makubwa ndani ya Liverpool na kutwaa ubingwa wa EPL msimu huu kwa sababu amekabidhiwa timu iliyosheheni nyota wengi wenye uwezo mkubwa lakini pia mbinu za kocha huyo hazitofautiani sana na kocha aliyepita Jurgen Klopp wote wakitumia mfumo wa 4-3-3 na hilo limedhihirika katika michezo miwili ya mwanzo.
Kocha Arne Slot aliiongoza Liverpool dhidi ya Arsenal kwa kuwaanzisha Keller,Bradley,Qansah,van der berg,Tsimikas,Elliot,Jones,Salah,Jota na Carvalho.
