Mwimbaji wa Muziki wa kizazi kipya (Bongo Fleva), Joseph Francis maarufu kwa jina la Mandojo amefariki duniani.
Taarifa za awali zilizotolewa na mwanamuziki Domokaya ambaye walikuwa wakiunda kundi moja la MANDOJO & DOMOKAYA zinasema Mandojo amefariki dunia akiwa njiani akipelekwa Hospitali baada ya kushambuliwa na kupigwa na watu waliomdhani kuwa ni mwizi.
Taarifa za kifo cha Mandojo pia zimethibitishwa na Mwanamuziki mkongwe na ambaye ni rafiki wa karibu Soggy Doggy Hunter.
Wakati wa uhai wake, Mandojo akishirikiana na Domokaya walitamba na vibao vyao kama ‘Nikupe Nini’ (2003), Dingi (2004), Niaje, Wanock nok waliyomshirikisha Lady Jay D na Taswira (2005) ambayo walimshirikisha Inspekta Haroun.
Pumzika kwa amani Joseph Francis “MANDOJO”.
