Aliyewahi kuwa kocha mkuu wa timu ya Taifa ya Uingereza Mswidishi Sven Goran Eriksson amefariki Dunia. Ni wiki chache zimepita tangu kocha huyo ajitokeze hadharani kuwaaga wanafamilia wa mpira wa miguu kwamba mwisho wa uhai wake umefika.Sven amefariki dunia akiwa na miaka 76 akisumbuliwa na Kansa isiyotibika iliyosambaa mwili mzima.
Sven Goran Erikson ni nani?
Sven Erikson alizaliwa february 5 mwaka 1948 nchini Swideni.Akiwa na miaka 16 alijiunga na klabu ya daraja la nne la Torsby IF akicheza michezo 109 na kufunga mabao 23 kutoka mwaka 1964 hadi mwaka 1971. Mwaka 1972 alijiunga na KB Karlskoga FF akicheza mechi 19 na kufunga mabao 4 . Akiwa beki wa kulia Sven amecheza jumla ya mechi 150 na kufunga mabao 28.
Nafasi yake ya Ukocha
Sven ni moja ya makocha waliofundisha timu mbalimbali duniani.Kocha huyo amefanikiwa kutwaa makombe 18 ya ligi mbalimbali na amewahi kuiongoza timu ya taifa ya Uingereza kwenye michuano ya kombe la dunia mara mbili mfululizo akifanya hivyo mwaka 2002 na mwaka 2006. Kwa Upande wa vilabu Sven amewahi kuvifundisha vilabu vya Manchester City,Benfica,Roma. Hii hapa orodha ya timu alizowahi kufundisha kocha huyo mpaka umauti unamkuta.
| 1977–1978 | Degerfors IF | ||
|---|---|---|---|
| 1979–1982 | IFK Göteborg | ||
| 1982–1984 | Benfica | ||
| 1984–1987 | Roma | ||
| 1987–1989 | Fiorentina | ||
| 1989–1992 | Benfica | ||
| 1992–1997 | Sampdoria | ||
| 1997–2001 | Lazio | ||
| 2001–2006 | England | ||
| 2007–2008 | Manchester City | ||
| 2008–2009 | Mexico | ||
| 2010 | Ivory Coast | ||
| 2010–2011 | Leicester City | ||
| 2013–2014 | Guangzhou R&F | ||
| 2014–2016 | Shanghai SIPG | ||
| 2016–2017 | Shenzhen | ||
| 2018–2019 | Philippines | ||
Nini kimemuondolea uhai wake
Sven amefariki kwa saratani ya Kongosho. Mwezi januari mwaka 2024 kocha huyo alitoka hadharani na kutangaza kwamba amebakiwa na miezi michache ya kuishi kutokana na kansa inayomsumbua . Wadau wa soka walihuzunishwa na taarifa hiyo na walimwomba aiongoze klabu ya Wakongwe wa Liverpool kwa mechi moja ya hisani dhidi ya Ajax.