Mshambuliaji wa Napoli na timu ya taifa ya Nigeria Victor Osimhen, 25, angependelea kuhamia Chelsea tofauti na tetesi zinazomhusisha na klabu moja nchini Saudi Arabia. (i)
Winga wa Uingereza Raheem Sterling, 29, yuko tayari kuhamia Manchester United lakini hataendelea na uhamisho hadi atakapojadili zaidi mkataba wake na Chelsea. (Telegraph – usajili unahitajika)
Crystal Palace wanakaribia kufikia makubaliano ya kumsajili mshambuliaji wa Arsenal na Uingereza Eddie Nketiah, 25, kwa pauni milioni 25, pamoja na nyongeza za pauni milioni tano. (Athletic – Usajili unahitajika)
Mabingwa wa Scotland Celtic wana nia ya kumsajili tena mshambuliaji Mfaransa Odsonne Edouard, 26, kutoka Crystal Palace. (News Shoppers)
Atletico Madrid wanatathmini uwezekano wa kumsajili kwa mkopo kiungo wa kati wa Manchester City na timu ya taifa ya Ureno Matheus Nunes, ingawa bado hawajawasilisha ombi. (Athletic – usajili unahitajika)
Kipa wa Georgia Giorgi Mamadashvili alifanyiwa vipimo vya afya nchini Uhispania siku ya Jumatatu alipokuwa anakamilisha uhamisho wa £30m kwenda Liverpool. Mchezaji huyo mwenye umri wa miaka 23 atasalia Valencia na kuhamia Merseyside msimu wa joto wa 2025. (Times – usajili unahitajika)
Nottingham Forest wanapanga kumnunua kiungo wa kati wa Uingereza James Ward-Prowse, 29, ambaye hayupo katika mipango ya kocha mpya wa West Ham Julen Lopetegui. (Football Insider)
West Ham wako tayari kupokea ofa kwa ajili ya Ward-Prowse, lakini hawana nia ya kumuuza. (Sky Sports)
Newcastle wamerejelea tena majaribio la kumsajili mlinda lango wa Burnley na timu ya England chini ya umri wa miaka 21, James Trafford, huku mkataba wa mkopo unaotarajiwa na wajibu wa kumnunua ukijadiliwa. (Guardian)
Brentford wanavutiwa na beki wa Fiorentina ya Italia Michael Kayode, 20, ambaye pia anawaniwa na klabu kadhaa. (Sky Sports),
Brentford wameanza mazungumzo na Besiktas kuhusu kiungo wa Uingereza Alex Oxlade-Chamberlain, 31, huku Ajax pia ikimtaka. (SportsDigitale – kwa Kituruki)
Napoli bado wanatarajia kukamilisha dili la Euro milioni 12.5 la kumnunua kiungo wa Scotland na Brighton Billy Gilmour, 23, na wanamtaka katika kikosi chao kufikia Jumamosi. (Mail)
Feyenoord wameulizia kuhusu winga wa Wolves mwenye umri wa miaka 22 wa Mali Boubacar Traore. (VI – kwa Kiholanzi)
Winga wa Ufaransa Kingsley Coman, 28, anatarajiwa kuondoka Bayern Munich msimu huu wa uhamisho na vilabu kadhaa vya Uingereza vinamuwania. (L’Equipe – kwa Kifaransa)
Mshambuliaji wa Jamhuri ya Ireland Tom Cannon, 21, anaweza kuondoka Leicester kwa pauni milioni 6 msimu huu, huku Sheffield United na Luton zikiwania saini yake. (Irish Independent)
Southampton wamewasilisha ofa mpya kwa Corinthians katika juhudi ya kumsajili mshambuliaji wa Brazil Yuri Alberto, 23. (Fabrizio Romano)
