Kikosi cha Yanga kimewasili mkoani Kagera kwa mchezo wake wa kwanza wa ligi kuu NBC dhidi ya Kagera Sugar. Wachezaji wa Yanga wamewasili Kagera mchana wa leo wakitokea jijini Dar es salaam,Mashabiki wamejitokeza kwa wingi kuipokea timu hiyo iliyofanya vizuri kwenye michezo miwili ya awali ya ligi ya mabingwa Africa dhidi ya Vital o kwa kuibuka na ushindi wa mabao 10-0.
Yanga watacheza mchezo wake wa kwanza wa ligi kuu tarehe 29 Agosti katika dimba la kaitaba Kagera na baada ya hapo kambi ya wachezaji itavunjwa ili wachezaji walioitwa kuzitumikia timu za taifa waweze kujiunga na kambi zao.
Supu yawakutanisha mashabiki
Kuelekea mchezo huo muhimu wa ligi ,viongozi na mashabiki wa Yanga walikutana na kujadili mwenendo wa timu yao wakiipongeza kwa kufanya vizuri katika michuano ya kimataifa na kutwaa makombe ya ngao ya jamii mbele ya Azam pamoja na TOyota Cup dhidi ya Kaizer Chief. Zoezi hilo liliambatana na unywaji supu pamoja na usajili wa wanachama wapya.
Hizi ni baadhi ya picha mashabiki wakinywa supu
