Erling Haaland anavutiwa na Real Madrid, Arsenal wanamfuatilia Victor Gyokeres, Alexander Isak anatarajiwa kusalia Newcastle.
Mshambuliaji wa Manchester City Erling Haaland, 24, ana nia ya kujiunga na Real Madrid atakapoondoka katika klabu yake ya sasa, huku kandarasi ya kiungo wa Norway ikikamilika 2027. (Mundo Deportivo – kwa Kihispania)
Winga wa Liverpool Federico Chiesa anahusishwa na uhamisho wa mkopo kutoka klabu hiyo huku mchezaji huyo mwenye umri wa miaka 26 akijaribu kurejesha kiwango chake, huku AC Milan, Roma na Inter Milan zote zikiwa na chaguo. ( Calciomercato.it – kwa Kiitaliano)
Arsenal na Liverpool bado wana nia ya kumnunua kiungo wa kati wa Real Madrid Arda Guler, 19, huku mchezaji huyo wa kimataifa wa Uturuki akiendelea kutatizika kupata nafasi ya kucheza msimu huu. (CaughtOffside)
Arsenal huenda wakajiunga na mbio za kumsajili mshambuliaji wa Sporting na Uswidi Victor Gyokeres, 26, huku kocha Mikel Arteta akilenga kuimarisha safu yake ya ushambuliaji. (GiveMeSport)
Mshambuliaji wa Uswidi Alexander Isak, 25, ana nia ya kusaini mkataba mpya wa muda mrefu zaidi ya 2028 katika klabu ya Newcastle, licha ya Arsenal na Chelsea kuonyesha nia ya kutaka kumsajili. (i Sport)
Mshambuliaji wa Manchester United Joshua Zirkzee, 23, anaweza kurejea kwa mkopo Serie A baada ya kufunga bao moja pekee katika mechi 11 akiwa na Man United. (Tuttosport viaTeamTalk)
Besiktas wanapania kumnunua mshambuliaji wa Everton Dominic Calvert-Lewin, 27, kwa mkopo, huku Newcastle, Arsenal na Manchester United pia wakimtaka Muingereza huyo. (Fotomac katika Kituruki)
Makocha wa Uingereza Graham Potter na Gareth Southgate ni miongoni mwa wanaowania kuchukua nafasi ya mkufunzi wa Crystal Palace Oliver Glasner ikiwa kiwango cha Eagles hakitaimarika chini ya Muuastria huyo. (TeamTalk)
Arsenal wanafikiria kumnunua mshambuliaji wa Juventus Dusan Vlahovic, 24, ambaye hapo walijaribu kumsajili mwaka 2022. (Caught Offside)
Chanzo cha picha,EPA
Wakurugenzi wa Barcelona wamekutana na wakala wa kiungo wa kati wa Uhispania Pedri, 21, kujadili hali ya kandarasi yake, ambayo bado haijatatuliwa. (Mundo Deportivo – kwa Kihispania)
Middlesbrough wameondoa uwezekano wa kiungo wa kati Muingereza Hayden Hackney, 22, kujiunga na Newcastle United au Tottenham Hotspur mwezi Januari. (NipeSport)
