Ligi kuu ya NBC inarejea rasmi Februari 1 baada ya kusimama kwa mwezi mmoja ikiyapisha mashindano ya Mapinduzi Cup yaliyofanyika visiwa vya Pemba yakihusisha timu za mataifa mbalimbali.
Azam Fc walio na alama 36 kwenye mechi 16 walizocheza watapanda tena Dimbani Februari 6 kuwakabili KMC katika dimba la Chamazi Complex. Huu ni moja ya michezo 6 watakayocheza Azam FC kwa mwezi februari na mchezo huo utatoa taswira ya muelekeo wa azam kuelekea ubingwa wa msimu wa 2024/25.
Katika mchezo huo wa kuvutia wa aina yake dhidi ya KMC watakutana na aliyewahi kuwa kocha mkuu wa muda Kali Ongala na golikipa Ali Ahamada aliye kwa mkopo klabuni hapo.
Kwa sasa azam wanashikilia nafasi 3 kwenye msimamo wakiwa na tofauti ya alama 3 kwa Yanga walio nafasi ya pili wakiwa na alama 39. Azam FC wanapaswa kupambana sana kutokana na ugumu wa mechi za mwezi Februari na kama azam atashinda mechi zote 6 atafikisha alama 54.
Mechi 6 muhimu za kufa na kupona
Ligi kuu kwa upande wa Azam FC itaanza Februari 6 dimba la Azam Complex Chamazi kwa kuwakutanisha na KMC ,tarehe 9 watasafiri kwenda mwanza kuwakabili Pamba jiji kisha watarejea Dar es salaam kuwakabili Mashujaa tarehe 15,Tarehe 16 fEBRUARI watasafiri kwenda Tanga kuwavaa Coastal Union na kurejea tarehe 24 Februari kukabiliana na Simba ,Mchezo wa mwisho kwa mwezi Februari ni dhidi ya Namungo FC utakaopigwa tarehe 27
