Msanii wa vichekesho aliyejipatia umaarufu mkubwa kwa mtindo wake wa uchekeshaji akiigiza kama mlevi, Chrispine Lyogello, maarufu kama Masele au Chapombe.
Mwishoni mwa wiki hii ameaga ukapera baada ya kufunga ndoa na mchumba wake, Specioza Malick iliyofungwa katika Kanisa Katoliki, Parokia ya Bikira Maria Consolata lililopo Mbezi Makabe jijini Dar es Salaam.
Baadhi ya mashabiki walitoa maoni yao kuhusu ndoa yao na kumshauri Mrembo huyo ajitayarishe kucheka zaidi na wakati huohuo awe na ubavu wa kutenganisha kazi ya Masele na maisha halisi.
”Bi Specioza ajiandae kuwa maarufu kwa sasa ameungana mwili mmoja na mtu maarufu nchini,” alisema shabiki mmoja aliyejitambulisha kama Bondi Masaba wa jijini Dar es Salaam.
Muigizaji Masele, amekuwa msanii wa kwanza kufunga ndoa ndani ya mwaka 2017.
