Klabu ya Arsenal inaangalia uwezekano wa kufanya biashara ya kubadilishana wachezaji, ili kuondoa ‘figisu-figisu’ zilizotawala katika baadhi ya vyombo vya habari, kuhusu mshambuliaji wao kutoka nchini Chile, Alexis Sanchez.
Real Madrid wanatajwa kumuwania mshambuliaji huyo alieripotiwa kutokuwa na mahusiano mazuri na wachezaji wengine wa Arsenal, baada ya kuwabwatukia mazoezini walipokuwa wakijiandaa na mchezo dhidi ya Liverpool.
Arsenal wamepanga kufanya biashara hiyo kwa kuwataka Real Madrid kumruhusu Karim Benzema aelekee Emirates Stadium, na Sanchez aende Santiago Bernabeu kwa ajili ya kutimiza azma yake ya kuachana na The Gunners mwishoni mwa msimu huu.
Arsenal imekuwa ikimuwinda Karim Benzerma kwa kipindi kirefu, na wanaamini biashara waliyoipendekeza dhidi ya viongozi wa Real Madrid huenda wakafanikiwa kumpata.
Hata hivyo dili hilo huenda likaingia dosari kutokana na klabu ya Atletico Madrid kuonyesha dhamira ya kutuma ofa ya kumsajili Sanchez itakapofika mwishoni mwa msimu huu
