Mchezaji Tenisi namba moja kwa ubora dunia upande wa wanawake, Mmarekani Serena Williams amechukizwa na maneno ya kibaguzi kutoka kwa Mchezaji wa zamani wa Romania Bad Boy Nastase.
Nastase alijibu shombo kwenye mahojiano na Television Nchini Romania alipoulizwa kuhusu ujauzito wa Serena.
Nastase alisema, Wacha tuone rangi ya mtoto itakayotoka maana Mama ni Chocolate na Baba ni maziwa .
Serena amesema inakera kuishi katika Jamii ya watu wabaguzi kama Nastase anaebagua hata mtoto ambae hajazaliwa.
Nastase, kwa sasa amefungiwa kujihusisha na shughuli yoyote ya Tenisi kufuatia kuwatolea maneno ya kibaguzi wachezaji wa Tenisi kutoka England wiki moja iliyopita.
Rais wa Tenisi duniani David Hartgey amesema uchunguzi Umeanza juu ya ubaguzi huo na kama ilivyo kawaida yao, watamuita Nastase kumhoji ili kupata ukweli wa sakata hilo
Hii haitokua mara ya kwanza kwa Serena kufanyiwa ubaguzi wa rangi, miaka 14 iliyopita, Serena, Dada yake Venus na familia yao walitolewa maneno ya kibaguzi wakati wanashiriki mashindano ya Indian Wells.
Baada ya sakata hilo la mwaka 2001 Serena aligoma kushiriki michuano ya Indian Wells.
Serena amesema yupo tayari kutoa ushirikiano kwa chama cha Tenisi duniani ITF ili Nastase achukuliwe hatua za kinidhamu.
