Meya wa Jiji la Dar es salaam, Isaya Mwita amefanya ziara ya kumtemblea na kumjulia hali mjane wa aliyekuwa Katibu Mkuu na Muasisi wa Chama cha Demokrasia na Maendeleo (Chadema), Bob Makani, Kaboga Makani kwaajili ya kuwaenzi wazee watangulizi wa chama hicho.
Amesema kuwa ziara hiyo ya kutembelea viongozi pamoja na wazee ambao ni waasisi inalenga kutambua michango yao katika nafasi ambazo walizowahi kutumikia.
Ameongeza kuwa anatambua mchango mkubwa uliotolewa na Bob Makani enzi za uhai wake kutokana na juhudi alizozifanya za kupigania chama.
“ Nimeamua kufanya hivi kuwakumbuka Wazee wetu ili niweze kupata busara zao, hili jambo sio la kisiasa, mimi kama kijana wao lazima nipate busara kutoka kwao, ingawaje hatuko naye tena hapa duniani,”amesema Mwita
Hata hivyo, ameongeza kuwa kutembelea viongozi ama waasisi wa nafasi za chama sio jambo la kisiasa bali ni kutokana na kutambua mchango wa kazi ambazo waliwahi kuzifanya wakati huo.
a
